DC-Siha awataka Maofisa ugani Wilayani Siha kubadilika

Posted on: March 1st, 2018

Maofisa Ugani Wilaya ya Siha watakiwa kuacha kufanya kazi kwa mazoea-DC Siha

Maofisa ugani na Wataalam wanaosimamia sekta ya kilimo katika Wilaya ya Siha wametakiwa kutimiza majukumu yao kwa kuwasaidia wananchi vijijini badala ya kuendelea kukaa maofisini.

Kauli hiyo imetolewa na Mwenyekiti wa pembejeo Wilaya ya Siha ambaye pia ni Mkuu wa Wilaya hiyo mh. Onesmo Buswelu katika kikao cha kujadili bei elekezi ya mbolea aina ya kupandia na kukuzia. Kikao hicho kilifanyika katika ukumbi wa mikutano wa halmashauri ya Wilaya ya Siha leo tarehe 01.3.2018.

Katika kikao hicho mkuu wa Wilaya ya Siha mh. Onesmo Buswelu aliagiza na kuwataka maofisa ugani wote waliopo Wilaya ya Siha kuacha kufanya kazi kwa mazoea na badala yake watumie ujuzi walionao kuwasaidia wananchi.

Wadau wa pembejeo  Wilaya ya Siha wakiwa katika kikao hicho katika ukumbi wa mikutano halmashauri ya Tovuti.

“Napenda kutoa agizo kuwa kuanzia sasa nikifika katika eneo lolote katika Wilaya ya Siha nitawauliza wananchi wa ene husika kama wanamfahamu afisa ugani wao wakisema hawakujui basi mimi kama mkuu wa Wilaya nitachukua hatua za kinidhamu mara moja” alisema Buswelu.

Msimu mkubwa wa kilimo kwa mvua za masika unatarajiwa kuanza hivi karibuni na wafanyabiashara na Mawakala wa pembejeo za kilimo wametakiwa kuzingatia bei elekezi ya mbolea iliyotolewa na Serikali.